Katër vetë vdiqën dhe dhjetëra të tjerë u plagosën, 12 prej tyre në gjendje kritike për jetën, si pasojë e një shpërhtimi sot në mëngjes në Paris. Ministri i Brendshëm Christophe Castaner tha se katër vetë vdiqën në shpërthimin, duke përfshirë dy zjarrfikës që humbën jetën në luftë me flakët.
Pas vizitës në vendngjarje, ai e përshkroi “ngjarjen si shokuese” duke parë dëmin dhe tha se rreth 200 zjarrfikës dhe policia ishin të përfshirë në operacion. Fotot e ndara në mediat sociale treguan shtrirjen e madhe të shpërthimit, i cili duket se ka shkatërruar katin e parë të një ndërtese.
Banorët janë evakuauar dhe të tjerët janë këshilluar të shmangin zonën ndërsa ekipet kanë ndërhyrë në vend për të ndihmuar banorët. Shkaku i shpërthimit ende nuk dihet, megjithatë ka raporte se kjo ishte për shkak të rrjedhjes së gazit në një furrë buke.