Policia e Fierit bën të ditur se është arrestuar shefi i sigurimit teknik pranë sektorit të dekantimi në kompaninë e naftës në Ballsh.

Arrestimi i tij vjen një ditë pas shpërthimit në pusin e naftës si pasojë e të cilës mori djegie një punëtor. Ky i fundit është dërguar në Tiranë për mjekim më të specializuar.

Lexo edhe-Shpërthen një pus nafte në Ballsh, merr djegie një punëtor

NJOFTIMI

Specialistët për Hetimin e Krimeve në Komisariatin e Policisë Mallakastër arrestuan shtetasin E. A., 40 vjeç, banues në Fier (Shef i sigurimit teknik pranë sektorit të dekantimit në një kompani nafte).

Arrestimi i këtij shtetasi u bë pasi në datën 03.05.2021, në fshatin Kash, Mallakastër, për shkak të mosmarrjes së masave të sigurimit teknik, në sallën e pompave të sektorit të dekantimit të kompanisë së naftës ka shpërthyer një pompë centrifugale, ka marrë flakë tubacioni dhe për pasojë është dëmtuar me djegie operatori i prodhimit, shtetasi V. B., 50 vjeç, i cili ndodhet në spital, nën kujdesin e mjekëve.

Materialet i kaluan Prokurorisë pranë Gjykatës së Shkallës së Parë Fier, për veprën penale “Shkelja e rregullave të mbrojtjes në punë”.

PËRGJIGJU

Please enter your comment!
Please enter your name here