Shpëtim Idrizi deklaroi se nëse opozita do të vijojë të mbrojë çështjen e Fredi Belerit, PDIU do të dalë e vetme në zgjedhjet e ardhshme parlamentare.
“PDIU në konfliktin e brendshëm që ka PD-ja nuk mbajmë anë. Në betejën me Bashën apo Berishën dhe Gaz Bardhin, PDIU si një parti aleate e PD, e spektrit opozitar, ne nuk përfshihemi dhe nuk ndërhyjmë. Ata kanë detyrim që të bashkohen mes tyre për hir të demokratëve por edhe sepse vendi ka nevojë që të ketë opozitë. Një opozitë me 3 vjet probleme nuk i bën mirë vendit. PDIU nuk mund të përfshihet midis palëve. Jo nuk është. Ju do thoni pse nuk u ftua PDIU në koalicion? Sepse u bë marrëveshje me Belerin dhe ja ku kemi peshqeshin e Belerit. Nëse kjo situatë do jetë prapë deri në 2025, do dalim më vete”, tha Idrizi në emisionin “Kjo Javë”.