Zëdhënësi i Policisë së Shtetit, Gentian Mullaj ka dhënë detaje rreth operacionit të zhvilluar për shpëtimin e një 43-vjeçari, i cili kishte mbetur i bllokuar në kanionin e Holtës.
Ai thotë se komandanti i njësisë taktike të RENEA-s, bëri një veprim heroik, duke zbritur 400 metra me litar në kanion.
“Komandanti i asaj njësie ka bërë veprim heroik. Ka zbritur 400 metra me litar në vendin ku 43-vjeçari Dervishi kishte mbetur i bllokuar. Falë ndërhyrjes së komandatit të njësisë taktike të repartit special RENEA, i ndihmuar nga kloegë të tij që po mbanin litarin dhe po kryenin veprimet e tjera plotësuese, është bërë e mundur të shpëtohet 43-vjeçari pa asnjë problem”, theksoi ai.