Gjin Gjoni, gjyqtari që i shpëtoi vetting-ut me dorëheqje është zgjedhur kryetar i Rithemelimit për degën e Lezhës. Kandidati i Berishës fitoi garën me diferencë të thellë, përballë dy kandidatëve të tjerë Albert Rrusti dhe Paulin Marku. Në votime kanë marrë pjesë mbi 1100 anëtarë, ndërsa Gjin Gjoni ka marrë 604 vota, Albert Rrusti 313, Paulin Marku 131.
”Doja të falënderoja dy kolegët e mi që bënë një garë dinjitoze. Populli i Lezhës arriti të më votëbesoj mua, dua të falënderoj gjithë votuesit lezhjanë. Situata politike që ne ndodhemi është shumë kritike. PD e Lezhës ka objektiva të qarta në 2025. Ne do fillojmë rioganzimin e partisë”,- tha Gjin Gjoni, pas zgjedhjes si kryetar i degës.
Kjo është tentativa e dytë për ta futur në politikë Gjonin, pas propozimit për deputet për zgjedhjet e vitit 2021 dhe siç duket misionin për ta futur në politikën e madhe ish anëtarin e Këshillit të Lartë të Drejtësisë duket se te Rithemelimi e ka përmbushur.