Sipas medias InMeteo, ilaçi që ka shëruar dy pacientë me koronavirus zakonisht përdoret në trajtimin e artritit reumatoid, si dhe është një ilaç me zgjedhje në trajtimin e sindromës së çlirimit citokimik.
Një lajm i mirë vjen nga Napoli, ku mjekët kanë parë një përmirësim të shëndetit të dy pacientëve me koronavirus pasi u mjekuan nga ilaçi anti-artrit. Sipas medias italiane ilaçi që ka shëruar dy pacientë me koronavirus zakonisht përdoret në trajtimin e artritit reumatoid, si dhe është një ilaç me zgjedhje në trajtimin e sindromës së çlirimit citokimik.
Ilaçi u përdor te dy pacientë të pranuar në spitalin Cotugno, në qytetin napolitanë: në të dyja subjektet, që vuanin nga pneumonia e rëndë Covid 19, përmirësimet ishin të dukshme tashmë brenda 24 orëve.
Ky ilaç është përdorur në Kinë mbi 21 pacientë dhe tani është hera e parë që është administruar në Itali në raste koronavirus. Në bazë të këtyre elementëve të parë “mundësia e trajtimit të pacientëve të tjerë me sëmundje kritike po vlerësohet”.
150 mijë njerëz janë të infektuar me virusin vdekjeprurës. Ndërsa janë shëruar qindra mijëra të tjerë. Vendi më i prekur nga koronavirusi në Europë është Italia, e cila ka izoluar tërësisht rajonin e Lombardisë. Po kështu, vazhdojnë të vdesin njerëz nga koronavirusi, në SHBA, Australi, Iran, Kore, Francë e Gjermani. Shënohet viktima e parë edhe në Amerikën e Jugut. Ndërkohë në Shqipëri nuk ka asnjë person të infektuar.