Vdekjet nga koronavirusi kanë rënë në Suedi që nga kulmi i shpërthimit, por qeveria u ka thënë autoriteteve që të fillojnë përgatitjet për një valë të dytë të mundshme në vjeshtë.
“Rreziku nuk ka mbaruar”, tha Ministri i Shëndetësisë Lena Hallengren në një konferencë për shtyp, pasi ajo njoftoi planet për mënyrën sesi Suedia duhet të veprojë shpejt në rast se ka një rritje të infeksioneve gjatë vititi.
Qeveria urdhëroi të hënën katër autoritete qeveritare: Agjencinë e Shëndetit Publik, Bordin Kombëtar të Shëndetit dhe Mirëqenies, Agjencinë e Produkteve Mjekësore dhe Agjencinë e Emergjencave Civile si dhe bordet administrative të qarkut të vendit për të filluar hartimin e planeve se për valën e dytë të Covid-19.
“Askush nuk e di se çfarë do të ndodhë në vjeshtë, por nëse ka një valë të dytë ka të ngjarë të shpërthejë në grupime siç është shpërthimi në industrinë e minierave Gällivare në veri të Suedisë. Kjo është arsyeja pse është e rëndësishme të keni plane rajonale, jo vetëm kombëtare”, – tha Hallengren.
Prej muajsh Suedia e ka mbrojtur strategjinë e saj të mos vendosjes së izolimit të plotë, por zyrtarët thanë sot se ‘rregulloret rajonale’ mund të vendosen nëse raste shqetësuese shfaqen në vend. Qeveria është përballur me kritika në rritje për strategjinë e saj javët e fundit, pasi shkalla e infekimit mbetet ende e lartë në Suedi ndërsa shumica e Evropës po del nga izolimi. Numri i përgjithshëm i rasteve me koronavirus ka shkuar në 71,419 pacientë ndërsa numri i të vdekurve ka shkuar në 5,420 persona që nga fillimi i pandemisë.