Krzeministri Edi Rama ka dhënë lajmin se Shqipëria dhe Bullgaria kanë nënshkruar marrëveshjen për njohjen e pensioneve. Kreu i qeverisë shkruan se ky është një tjetër sukses për shtetasit shqiptarë jashtë vendit.
Sipas tij marrëveshja rregullon sigurimin e shtetasve kur punojnë në të dy vendet. Kujtojmë që Shqipëria ka nënshkruar marrëveshje për njohjen e pensioneve dhe me Italinë dhe Kroacinë.
“Nënshkruhet Marrëveshja për Sigurimet Shoqërore mes Shqipërisë dhe Bullgarisë. Shqipëria shënon një tjetër sukses në njohjen e sigurimeve shoqërore për shtetasit shqiptarë jashtë vendit. Marrëveshja rregullon sigurimin e shtetasve të Bullgarisë dhe Shqipërisë kur punojnë në të dy vendet, garanton të drejtat e tyre të sigurimit, pagesës së përfitimeve në rast sëmundjesh ose aksidentesh në profesion, si edhe kushtet për dhënien e llojeve të ndryshme të pensioneve”, shkruan Rama.