Atmosferë spektakolare në “Air Albania Stadium”, në impiantin e ri në kryeqytet . Me flamuj kuqezi, mbi 21 mijë tifozë po dhurojnë një atmosferë elektrizuese, gati për inaugurimin zyrtar, gati për të mirëpritur kampionët e botës, gati për ti dhënë djemve të Edi Rejas më shumë besim se në futboll asgjë nuk është e pamundur.
Përtej tifozëve që janë thjeshtë të mrekullueshëm, jo gjithçka po shkon në mënyrë perfektë në stadiumin e ri kombëtarë. Hidratuesit, që duhet të lagnin terrenin përpara ndeshjes, nuk kanë funksionuar si duhet, teksa disa prej tyre janë kthyer nga tifozët duke i bërë qullë.
