Kriza do të ndihet në Shqipëri edhe më shumë nga sa pritej. Raporti i fundit i Bankës Europiane për Rindërtim dhe Zhvillim, thotë se Shqipëria do të mbetet pas krahëve të Kosovës, Malit të Zi dhe Serbisë, që këtë krizë po e tejkalojnë më mirë.
Sfida më e madhe sigurisht do të jetë inflacioni i lartë, 8% në gusht dhe më i larti në dy dekada, edhe pse çmimet nuk janë shtrenjtuar zyrtarisht aq sa në vendet e rajonit. Si përgjigje, Banka qendrore ka rritur normën bazë të interesit në 1.75%.
Ky shtrëngim i politikës monetare, së bashku me çmimet, do të zbehin konsumin e qytetarëve dhe investimet nga biznesi. Si në çdo krizë të shkuar, dhe kësaj here familjet shqiptare do të ndihmohen nga remitancat e emigrantëve.