Ish-deputeti i PD-së, Tritan Shehu ka reaguar pas marrjes së kryesimit të OSBE-së nga Shqipëria. Ai akuzon kryeministrin Rama se e katandisi kryesimin e OSBE në një karrikaturë. “Rama e katandisi kryesimin e OSBE ne nje karrikature. “Shqiperia ne krize” do te kryesoje OSBE, ky eshte titulli ironik i mediave ndaj marjes dje te drejtimit te asaj organizate. Duhej te ishte ky nje mundesi promocioni per ne dhe nje mesazh per OSBE-ne, kur ne fakt po kthehet ne nje komedi. OSBE eshte nje organizem qe kerkon te nxjerre nga krizat ata qe jane, Rama e ka futur vendin ne nje «krize politike e institucionale» sipas Bundestagut.
OSBE ka prioritet zgjedhjet e lira e te ndershme, Rama ka zhvilluar zgjedhje te blera politike dhe nje farse «votimi» me 2019, sipas vete OSBE. OSBE lufton per nje drejtesi eficiente, etja e Rames per ta kontrolluar ate na ka cuar ne nje dekapitim te atij sistemi, pa Gjykate te Larte e Kushtetuese. OSBE ka si flamur pluralizmin, Rama sot perdor nje Parlament monist e antikushtetues 122-sh, me 42 «pupace» ne ate, nje qeverisje lokale sovjetesh,etj. OSBE ka prioritet lirite e medias, te njeriut, ndersa Rama miratoi ne ate Parlament nje ligj te tipit «agjitacion e propagande», deporton individe pa asnje transparence e vendim gjykate…. Dhe keshtu mund te vazhdohet deri te nevoja qe ka OSBE per te patur si interlokutore nje Ministri te Jashteme serioze e profesionale!
Ndersa Rama e ka katandisur dhe ate ne nje ngrehine, qe nuk luan asnje rol…qe as nuk dihet se cilin ka per Minister. Ne keto kushte ky rast i humbur vecse na vendos ne rolin e «bedelit» duke na bere qesharake, si dhe komprometon ate institucion prestigjioz” deklaroi ai. Prej 1 janarit të këtij viti, Shqipëria mori drejtimin e karriges së Organizatës për Siguri dhe Bashkëpunim në Evropë (OSBE) nga Sllovakia. Mandati do të zgjasë për një vit, ndërsa Suedia do të pasojë në 2021. OSBE me qendër në Vjenë përfshin gjithsej 57 vende nga Evropa, Amerika e Veriut dhe Azia. Detyrat e organizatës janë të shumëllojshme dhe ato nisin nga vëzhgimi i zgjedhjeve, lufta për të ruajtur lirinë e shtypit, mbrojtja e të drejtave të pakicave, etj.