Presidenti Bajram Begaj ka pritur këtë të enjte në një takim presidenten e Komisionit Europian, Ursula von der Leyen.
Kreu i shtetit siguroi se Shqipëria është e vendosur për të vijuar me agjendën evropiane dhe se objektivi i saj për integrimin në BE është i pandryshueshëm.
“Niveli i ri i marrëdhënieve të Shqipërisë me BE-në pas çeljes së negociatave dhe vendosmëria e vendit tim për të përshpejtuar ritmet e integrimit evropian, e bëjnë vizitën tuaj në Tiranë të veçantë dhe të rëndësishme”, tha Begaj.
Nga ana tjetër, Ursula von der Leyen vlerësoi rolin e Shqipërisë si një faktor i rëndësishëm stabiliteti në rajon.