“Shqiptarët i duhen Skocisë”, apeli i priftit anglez: Ndihmojini, jepuni leje pune

Ndryshe nga deklarimet e deputetëve konservatorë anglezë dhe vetë ministres Suela Braverman se “kriminelët shqiptarë po pushtojnë Anglinë”, kreu kishës në qytezën Manston ku mbahen emigrantët në një qendër pritje, thotë se ata nuk duhet të dëbohen.
Sipas klerikut Guy Wilson i intervistuar nga The Epoch Times, Anglia ka nevojë për forcë punëtore dhe shqiptarët meritojnë të pajisen me leje pune.
“Ne e kemi për detyrim për tu kujdesur për ata duke u dhënë strehim e ushqim. Ne në Angli dhe Skoci kemi një forcë punë të reduktuar. Shumica e shqiptarëve që kanë mbërritur nga Shqipëria janë të moshës 18 deri 30 vjeç. Mundësia e punësimit të tyre duhet të shihet nga kryeministria e Skocisë Nicola Sturgeon. Ata mund ti bashkohen forcës së punës duke marrë leje punësimi në Skoci duke i dhënë shtytje ekonomisë së skoceze.”
Arben Berisha i sapo mbërritur në Angli tha për The Epoch Times se “ për anglezët të gjithë shqiptarët janë kriminelë. Jo, ne nuk jemi. Ne duam thjesht të punësohemi”. Sipas autoriteteve britanike këtë vit kanë mbërritur në shtetin ishull me gomone 12.000 shqiptarë.