Një ngjarje e rëndë ndodhi në Rafinë të Greqisë ku mbeti i vdekur një 42-vjeçar pasi u rrah për vdekje nga dy të rinj shqiptarë.
Nëna e viktimës ka kërkuar burgim të përjetshëm për vrasësit e djalit të saj.
Sipas Protothemës, ajo kërkoi dënimin maksimal për dy autorët shqiptar dhe u shpreh se nëse do të kishte qenë dhe djali tjetër i saj ajo do të vajtonte 2 djem tani.
“Kam bërtitur që vrasësit e fëmijës tim të kapeshin dhe tani të gjykoheshin e të kalben në burg. Nëse fëmija im tjetër do të shkonte me vëllain e tij atë natë, mund ta kishin vrarë edhe atë. Nuk mund të flas, respektoni dhimbjen tonë”.-tha ajo.
Që në momentin e parë nëna e 42-vjeçarit kërkoi që të gjendeshin vrasësit e fëmijës së saj dhe tashmë që dy autorët janë arrestuar dhe pritet të dalin në gjykatë.
Në të njëjtën kohë, ditën e djeshme nga dera e prokurorisë kanë kaluar 24-vjeçarët me origjinë shqiptare, të cilët i kanë proceduar për vrasje me paramendim dhe për armëmbajtje pa leje. Më pas ata janë sjellë para hetuesisë ku kanë kërkuar dhe kanë marrë një afat për të kërkuar falje.
Sipas informacioneve, dy 24-vjeçarët, pas sherrit vdekjeprurës, kanë dalë në rrugën Vassileos Georgiou, kanë hipur në një xhip blu dhe janë zhdukur. Sipas dy autorëve, në sherr janë përfshirë gjithsej pesë persona, por ata të dy e kanë goditur 42-vjeçarin.