Dy të rinj shqiptarë udhëtonin me motor pa targa që e kishin marrë në kufirin Shqipëri-Greqi për të kryer aktivitetin e tyre kriminal të trafikut të drogës mes dy shteve.
Sipas medias greke, shqiptarët e moshave përkatësisht 30 dhe 28 vjeç u konstatuan në kryeqëzimin e Kapllaqit.
Shqiptarët nuk i janë bindur urdhërit të efektivëve për të ndaluar. Policia helene është vënë në ndjekje të dy të dyshuarve.
U desh që shqiptarët të aksidentohen gjatë ndjekjes dhe më pas të arrestohen. Sasia e lëndës narkotike po pritej nga një makinë, e cila sapo ka parë makinat e policisë, është larguar menjëherë.
Policia greke ka arritur të sekuestrojë 6 kg lëndë narkotike, 1 pistoletë dhe 2 mijë euro. Edhe një bashkëpunëtor i dy shqiptarëve u ndalua në Janinë.