Një shqiptar mbeti i vrarë me armë zjarri në Gjermani ndërsa një tjetër ka mbetur i plagosur.
Mediat gjermane shkruajnë se të rinjtë e plagosur të moshës 19 dhe 31 vjeç, u gjetën në Meinestraße në rrethin Wolfsburg Vorsfelde.
Zëdhënësi i policisë Sven-Marco Claus i tha BILD se të plagosurit janë të dy shqiptarë.
Të rinjtë përfunduan në spital, por njëri prej tyre humbi jetën më vonë si pasojë e plagëve të marra. Disa të shtëna u qëlluan në drejtim të të rinjve nga një makinë në lëvizje, çka do të thotë se vrasja ka qenë e parapërgatitur.
Viktima është identifikuar si Keidi Pasha, 19 vjeç.
Ata po ecnin në trotuar. Një banor i tha BILD se kishte dëgjuar gjashtë të shtëna.
Hetuesit siguruan prova në vendngjarje, kontrolluan rrobat e viktimës për të dhëna për detaje. Një komision hetimor për vrasjen u krijua mëngjesin e sotëm me rreth 20 hetues dhe zyrtarë policie.