Një shtetas shqiptar së bashku me shokët e tij kanë rrahur një 60-vjeçar italian pas një sherri mes tyre. Ndërkohë, një ditë më vonë i rrahuri kërkon të marrë hak ndaj dhunuesve duke mbajtur në duar armë të ftohta dhe shkopinj.
Sipas mediave italiane, konflikti mes tyre ka ndodhur përpara një lokali në Corso Matteotti në Pergola (provinca e Pesaro-Urbino), dhe personi i sulmuar, është goditur me një shishe qelqi duke u lënduar në hundë.
Të nesërmen në mëngjes ai u pa rreth qendrës historike të Pergola me një shkop në dorë. Siç raportojnë mediat vendase, kanë qenë vetë shqiptarët ata që e kanë parë dhe kanë lajmëruar karabinierët për të shmangur përplasje tjetër.
Karabinierët ndërhynë dhe identifikuan 60-vjeçarin, i cili ka shtyrë policët të cilët e arrestuan për rezistencë ndaj një zyrtari publik dhe për ofendim. Ndaj 60 vjeçarit u vendos masa detyrim paraqitje.