Mediat britanike publikonin sot momentet kur një trafikant i vogël shqiptar përlotej me policët që e kapën në shtëpinë e tij, ku kishte ngritur një punishte majijuane me vlerë sipas tyre rreth 175,000 paundë.
20-vjeçari Marisol Bezati, është burgosur tashmë për një vit e gjysmë pasi kishte kthyer shtëpinë e tij në Peterborough, në veri të Anglisë në një zonë rritje të bimës së ndaluar por shumë të preferuar dhe trafikuar.
Në pamjet video ai shihet teksa struket i trembur në divanin e tij teksa oficerët thërrasin ‘Police!’, para se të hyjnë në dhomë dhe ta gjejnë duke u relaksuar.
Bezati duket i shokuar teksa oficerët e ndalojnë dhe e prangosin, teksa me sytë të hapur nga frika thërret: “Më vjen keq, më falni!”
Video tregon më pas sesi ka kthyer shumicën e shtëpisë në një fermë artizanale për kanabis.
Bezati u arrestua më 28 shtator pas një njoftimi të vullnetarëve të lagjes që dyshonin për aktivitetin e tij.
Oficerët gjetën në shtëpi 206 bimë kanabis, sipas tyre në një vlerë më shumë se 170 000 paundë, të cilat ngroheshin me llampa të fuqishme, ndërsa dera e dhomës së gjumit ishte e mbyllur.
Bezati tha se nuk mund të liste anglisht kur oficerët i thanë se do të bënin një kontroll.
Në pamje shihet sesi i rriste bimët në dhomën e gjumit dhe në papafingo.
Bezati doli më pas para gjykatës së Peterborough ku u dënua me 1.5 vite burg për prodhim kanabisi dhe vjedhje të energjisë elektrike.
Hetuesi i cështjes Andrew Donaldson, i policisë së Cambridgeshire: “Ne do të vazhdojmë të godasim këto rrjete kriminale që prodhojnë e trafikojnë droga në zonën tonë, sepse ka lidhje të qarta mes kultivimit të kanabisit dhe krimeve më të rënda, çka nxit dhunën e luftës për territor mes bandave”.