Martin Shkreli, i njohur dhe si shqiptari më i urryer në botë është sërish duke u hetuar, dhe këtë herë nga Byroja Amerikane e Burgjeve.
Mediat atje kanë raportuar se ish udhëheqësi i kompanisë farmaceutike se gjatë qëndrimit në burg ai ka ndihmuar zhvillimin e kompanisë duke përdorur një telefon kontrabandë.
Hetimi është paralajmëruar nga The Wall Street Journal.
Byroja e Burgjeve ka deklaruar se posedimi i telefonit të kontrabanduar në burg konsiderohet shkelje dhe mund të sjellë deri tek izolimi i të burgosurit dhe ndalimi i vizitave.
Benjamin Brafman, avokat i Shkrelit, ka refuzuar të komentojë.
Gazeta Journal ka raportuar se Shkreli, 35 vjecar, ka ende ndikim të madh në kompaninë Phoenixus AG. Shkreli ishte dënuar shtatë vjet burg për mashtrimi.
Shkreli, i lindur në Bruklin nga prindër shqiptarë që kishin migruar në SHBA, u bë i njohur me nofkën “Pharma Bro” në shtator të vitit 2015.
Prokurorët e akuzojnë atë se ka marrë ilegalisht aksione të “Retrophin Inc”, një firmë bio-teknologjike që ai e ngriti në vitin 2011, dhe i ka përdorur ato për të shlyer borxhe të bizneseve të tjera.