Një ngjarje e rëndë raportohet të ketë ndodhur në Mikonos të Greqisë. Një shqiptar bashkë me bashkëshorten e tij janë sulmuar me thika nga dy persona, duke i lënë të plagosur.
Shqiptari Jonild Muci, nga Thumanë i Krujës është strehuar në Mikonos si azilant politik dhe ka kërkuar ndihmë urgjente pasi deklaron se jata e tij është në rrezik.
Jonild Muçi jeton me familjen me tre fëmijë të mitur në ishullin grek, ku dhe fshihet përkohësisht, ndërsa ka kërkuar dhe ndihmë për të transportuar fëmijët nga shkolla në një ambient të sigurt.
Sipas dëshmisë së tij, janë dy vëllezërit e ish-bashkëshortes që i kërcënojnë me vdekje nëse nuk pranon të dorëzojë pronën tek motra e tyre.
Jonild Muçi thotë se me bashkëshorten e parë ka një fëmijë, ndërsa me të dytën kanë 3 fëmijë, mosha e fëmijëve është 4, 7 dhe 9 vjeç, për të cilët gjithashtu shprehet i frikësuar.
Menjëherë, “FSHSHG” e përbërë nga aktivistë vullnetarë shqiptarë në Greqi kanë kontaktuar me spitalin e ishullit, policinë si dhe kompetentët në Ambasadën e Shqipërisë në Greqi.
Shqiptari i plagosur aktualisht ndodhet i shtruar në spitalin e Mikonos me plagë të shumta në kokë dhe trup, nga sulmi me thikë, ndërsa bën thirrje të dëshpëruar për ndihmë. Ai është shprehur se dy personat që e kanë dhunuar, shtetasit me inicialet A. B., dhe E.B., do të realizojnë planin e eliminimit të çiftit Muçi.