Shqiptari që tentoi të futej fshehurazi në një magazinë me qëllim për të vjedhur disa materiale lëkure në një kompani në Campi të Firences, por ra nga një lartësi prej rreth 6 metrash, ndërroi jetë pas 3 ditë agonie në spital.
Ai vdiq orët e fundit në spitalin fiorentin në Careggi pas pasojave të rënda të shkaktuara nga dëmtimi në kokë.
Viktima, e moshës 35-40 vjeç, ka qenë së bashku me bashkëpunëtorin e tij. Ky i fundit ka disa fraktura në trup, por është jashtë rrezikut për jetën.
Sipas hetimeve të kryera nga policia e Firences, të dy dyshohet të kenë rënë nga çatia e një magazine industriale në zonën e San Donnino-s teksa tentonin të hynin në magazinën e një kompanie artikujsh lëkure.
Bashkëpunëtorët, sipas asaj që u konstatua nga policia, natën e së premtes së 3 dhjetorit po kryenin një zbulim nga lart dhe më pas u jepnin dritën jeshile bashkëpunëtorëve, duke pritur jashtë magazinës.
Për momentin janë në kërkim personat e dyshuar si bashkëpunëtorë.