Një shqiptar është arrestuar në Belgjikë pasi akuzohet për tentativë për vrasje. 31-vjeçari ka goditur 3 herë me thikë bashkatdhetarin e tij para një kafeneje në qendër të Brukselit për një sherr banal. Autori kishte refuzuar të pinte birra me dy bashkatdhetarët dhe kjo kishte krijuar përplasje mes tyre.
Shqiptari u largua nga kafeneja për gjysmë ore dhe u kthye të ulej pranë dy bashkëkombësve të tij. Por mes tyre sherri nisi sërish.
Në atë moment, autori ka kapur një thikë dhe ka goditur tre herë njërin prej tyre.
“Ai më ka kërcënuar fillimisht me thikë” është mbrojtur para policisë, autori i ngjarjes.
Sipas prokurorisë, pas debatit të parë, autori është rikthyer me paramendim në kafene për të zgjidhur debatin. Por sipas mbrojtjes, bëhej fjalë për një sherr në gjaknxhetësi e sipër. Vendimi pritet të jepet të premten.