Një shqiptar 30-vjeçar ka tentuar të përdhunojë një 32-vjeçare brenda një lokali në Symi të Greqisë. Mediat greke kanë publikuar pamjet e kamerave të sigurisë së lokalit ku ndodhi ngjarja.
Shqiptari ka mbyllur derën e lokalit dhe fillimisht ka tentuar ta puthë pa dëshirën e grekes e më pas ta përdhunojë. Gruaja është përpjekur ta largojë shqiptarin ndërkohë që ky po ushtronte dhunë ndaj sa.
32-vjeçarja, duke përshkruar makthin që ka jetuar theksoi se shqiptari “mbylli derën e dyqanit, nuk më linte të dilja dhe më pas, thjesht, u përpoq në mënyrën e tij të më përqafonte, më puthi pa dëshirën tim. Ai fliste në gjuhën e tij, nuk e kuptoja. Thjesht i thashë të dilte dhe të më linte të qetë”.
“Ai më goditi me shuplakë, në një moment godita kokën në hidrantin e zjarrit. Unë isha e ligështuar. Ai po më puthte ndërsa unë isha e ligështuar, por ai nuk pati kohë të bënte asgjë. Kam disa mavijosje në trup, buzët më janë fryrë”,– ka treguar shtetasja greke.
32-vjeçarja ka arritur të njoftojë autoritetet. Me ardhjen e policisë 30-vjeçari ka kundërshtuar dhe ka tentuar t’i sulmojë efektivët teksa donin ta arrestonin, por përfundimisht blutë kanë arritur ka neutralizojnë dhe prangosin.
“Ai po u bërtiste policëve dhe i sulmoi. Bërtiste ajo është e imja, ajo është e dashura ime”,– shtoi 32-vjeçarja.