Parlamenti i Tajvanit është i pari në Azi që legalizon martesat e të njëjtit seks pas një votimi pro këtë të premte.
Në 2017-tën gjykata kushtetuese e ishullit dha vendimin se këto çifte kanë të drejtë të martohen ligjërisht.
Parlamentit iu dha një afat dy vjeçar për ta miratuar. Deputetët debatuan për tre projektligje të ndryshme për legalizimin e këtyre lloj martesave, por kaloi ajo e qeverisë.
Qindra mbështetës të të drejtave të LGBT-së qëndruan në shi jashtë ndërtesës së Parlamentit, në pritje të vendimit.