Në 2018 sallat e basteve tradicionale u mbyllën, por ato vijuan aktivitetin online më shumë se më parë me servera të cilët kryesisht janë regjistruar jashtë vendit. Ky aktivitet është intensifikuar shumë javët e fundit ku po luhet kampionati Europian ku rëndom shikon qytetarë që krahas ekranit ku luhen ndeshjet shohin ekranet e celularëve ku në faqe të ndryshme kanë vendosur skedina.
-Luhet më shumë tani fenomeni është masiv. Luhet në shtëpi në lagje në punë. Unë shkova në një lokal dhe e hapa faqen.
Në vetëm 5 muajt e parë të këtij viti polica e shtetit ka evidentuar 126 raste të organizimit të lotarive të pa lejuara dhe 53 lokale të vena në dispozicion për këtë veprimtari të paligjshme. Pavarësisht se arrestime ka pasur më shumë se një vit më parë, efekti i punës së policisë kundër këtij fenomeni është zero.
-Policia bën raprezalje kot. Janë të kota operacionet.
-A të ka ndaluar ty policia ndonjëherë?
-Po me kontrolloi por nuk ma gjeti dot aplikacionin.