Partia Demokratike, përmes deputetit të saj, Arbi Agalliu, ka reaguar lidhur me rritjen e çmimit të naftës, i cili preku sot nivelin historik prej 265 lekë për litër.
Me këtë ecuri, shprehet Agalliu, shumë shpejt shtresa e mesme dhe shtresat në nevojë do të jenë në kolaps total.
“265 LEKË PËR LITËR! Ky është çmimi i naftës sot që bordi vendosi. Asnjë masë apo reagim për të hequr/ulur së paku përkohësisht disa nga taksat e shumta që paguajmë në çdo litër karburant që blejmë. Me këtë ecuri shumë shpejt, sidomos shtresat në nevojë dhe shtresa e mesme do të jenë në kolaps financiar. Jemi vendi me çmimin më të lartë të karburantit jo vetëm në rajon por edhe më tej”, shkruan Agalliu.