Pasi ka drejt përfundimit 68 projekte brenda katër viteve, kandidati socialist për bashkinë e Matit Agron Malaj deklaron se ka si objektiv që gjatë mandatit të dytë të mundësojë shtrimin me asfalt të shumicës së rrugëve të fshatrave.
Gjatë një takimi që kishte sot me banorët e fshatit Mallunxë në Njësinë Administrative Lis, Malaj falenderoi zgjedhësit që vazhdimisht mbështesin kandidatët e Partisë Socialiste.
Pasi foli për investimet e kryera gjatë mandatit të parë, kryebashkiaku tha se është i vendosur të realizojë shtrimin me asfalt të rrugëve të 38 fshatrave.
“Aktualisht po shtrojmë 26 kilometra me asfalt. Rruga Burgajet-Derjan-Macukull ishte ëndërr derisa para disa ditëve, ndërkohë ajo do të jetë një artierie mjaft e rëndësishme për matjanët dhe vizitorët. Duke asfaltuar 70 kilometra gjatë mandatit të dytë në mundësojmë lidhjen e shumicës së fshatrave me rrugë të asfaltuara”, theksoi Malaj.