Bollëku ndonjëherë mund të jetë i dëmshëm. “Festa e Dëborës”, eventi tradicional në stinën e dimrit në Montreal u pezullua të dielën… për shkak të një stuhie dëbore.
Kjo është hera e parë në thuajse një dekadë që ky festival kushtuar familjeve i cili zhvillohet në një park të metropolit në Kebek, pezullon aktivitetet e planifikuara për shkak të kushteve meteorologjike.
Festa e cila përkon me edicionin e saj të 36-të dhe që organizohet gjatë katër fundjavave ka si mision për të zbuluar dhe shijuar momentet e gëzimit të stinës së dimrit.
Aktivitetet e së dielës u anuluan për shkak të kushteve ekstreme të motit dhe do të rinisin më 26 janar, njoftuan organizatorët.
Një pjesë e konsiderueshme e Kanadasë, përfshirë Montrealin përjetoi këtë fundjavë episode të të ftohtit ekstrem dhe stuhive të dëborës.
Termometri shënoi -15 gradë Celsius të dielën në Montreal, për që u ndje si të ishte -29 gradë Celsius për shkak të erës dhe dëborës që ra thuajse gjatë gjithë ditës, shoqëruar me erëra të forta dhe mjegull.