Ndeshja derbi Partizani-Tirana do të nisë në orën 14:00 dhe jo në 13:30 siç ishte planifikuar fillimisht.
Ky ndryshim është bërë për arsye logjistike dhe për të lehtësuar lëvizjen në zonën e stadiumit, duke u mundësuar tifozëve të mbërrijnë në kohë në “Arenën e Demave”, thuhet në njoftimin e FSHF.
Derbi i gjen të dy skuadrat në pozicione diametralisht të kundërta në renditje.
Partizani ndodhet në vend të tretë por praktikisht e ka të siguruar pjesëmarrjen në “Final 4” dhe luftën për titullin kampion, ndërsa bardheblutë janë në vend të parafundit dhe luftojnë për mbijetesë.