Seanca në GJKKO për kërkesën e Sali Berishës që të marrë pjesë në Parlament, është shtyrë për datën 8 shkurt. Avokati i tij, Genc Gjokutaj tha se qëllimi është që Berishës ti digjet mandati si deputet.
Në një deklaratë për mediat pas seancës, ai tha se kanë bërë sërish një kërkesë të katërt për përjashtimin e gjyqtares Irena Gjoka në procesin ndaj ish-kryeministrit.
“U shty për në datë 8, sot gjykata mori dhe kërkesën e katër për përjashtimin e Gjokës, ajo nuk dëgjon, sot ishte një qëndrim jo me dy standarde, por i shtatëfishtë”, u shpreh avokati i Berishës, Genc Gjokutaj.