Maqedonia e Veriut mund të marrë një datë për çeljen e negociatave në vjeshtë, ndërsa ky skenar duket më pak realist për Shqipërinë.
Kur bëhet fjalë për dialogun Beograd-Prishtinë, Federica Mogherini nuk ka treguar lidership të mjaftueshëm, por është skeptike nëse Josep Borrell do e bëjë më mirë, thotë ish deputeti i Parlamentit Evropian Eduard Kukan.
Në një intervistë për sllovaken SFPA, Kukan, i cili ka kryesuar grupin e Punës për Ballkanin Perëndimor gjatë kohës së tij në PE, shpjegon se Maqedonia e Veriut i ka plotësuar prej vitesh kriteret, por BE e ka shtyrë çeljen e negociatave, të cilat, ai shpreson se është e turpshme dhe demotivuese.
“Maqedonisë së Veriut mund ti jepet një datë konkrete në samitin evropian në vjeshtë, të cilën unë e konsideroj realist”, thotë ish eurodeputeti, duke shtuar se ndërsa Emmanuel Macron kishte deklarata kategorike për këtë çështje, duket se tashmë ai po i lehtëson ato.
Nga ana tjetër, edhe pse ai është i vetëdijshëm se Tirana po pret një hap të ngjashëm, Kukan beson se situata në Shqipëri është krejt tjetër.
“Ata duhet të zbatojnë një reformë të madhe gjyqësore, opozita ka bojkotuar Parlamentin, e mbi të gjitha shqiptarët nuk po gjejnë kompromise”, thekson ai, duke shtuar se do të ishte joreale për Shqipërinë të merrte një datë në këtë moment.
Ndërsa kur bëhet fjalë për dialogun Beograd-Prishtinë, Kukan shpreh dhe një herë kritikat e tij ndaj Përfaqësueses së Lartë Federica Mogherini, e cila, sipas tij, nuk ka tregoi mjaftueshëm aftësi drejtuese.
“Në këtë moment kur Kosova ka vendosur tarifa ndaj Serbisë, ishte e nevojshme të shkonte atje dhe të ulej në tryezë”, thotë Kukan në mënyrë të paqartë.
Ai nuk mendon se pasardhësi i Mogherini, Josep Borrell do ta bëjë më mirë këtë punë.
“E mbaj mend si President të PE. Emërimi i tij ishte surprizë pasi spanjollët kanë politikanë më të rinj dhe më dinamikë”, thotë Kukan duke propozuar një të dërguar special për një zgjidhje në dialog.
I pyetur edhe për shkëmbimin e territoreve, e cila po qarkullonte rreth një vit më parë, ai vlerësoi se nuk ishte vetëm një strategji fushate.
“Unë pres që çështja e zgjidhjes së njohjes së Kosovës me shkëmbim territoresh me Serbinë të kthehet prapë. Sidoqoftë, kjo do të destabilizonte Bosnjen dhe Hercegovinën fqinje”, paralajmëroi Kukan duke theksuar kundërshtimin e tij ndaj kësaj ideje.- EuropeanWesternBalkans