Lulzim Basha shpreh ngushëllimet për familjarët e artistit të madh, ndërsa e quan Mirush Kabashin një ikonë që me pasionin, talentin dhe dashurin për artin dhuroi emocione përmes qindra roleve në teatër dhe në kinematografinë shqiptar.
“I hidhëruar nga lajmi i përcjellë nga familja Kabashi për largimin nga jeta i një prej yjeve më të shndritshëm të artit tonë, Mirushit. Një ikonë që me pasion, talent dhe dashuri për artin dhuroi emocione përmes qindra roleve në teatër dhe në kinematografinë shqiptare.
Virtuozizmi i tij do të mbetet i paharruar, si një trashëgimi artistike e lënë ndër breza. Ngushëllimet e mia më të ndjera. Lutjet e mendimet e mia janë me familjen Kabashi, të afërmit, miqtë, kolegët dhe dashamirësit e shumtë të mjeshtrit të madh. U prehtë në paqe!”, shkruan Basha.