Emina Cunmulaj, bukuroshja shqiptare nuk harron kurrë rrënjët e saj, vendlindjen. Me një mesazh në profilin e saj në Instagram ajo i kërkon bashkëatdhetarëve të votojnë `Forumin Shqiptar’ në zgjedhjet lokale që zhvillohen në Tuz më 3 mars.
Bashkimi i partive shqiptare atje nën moton “Malësia na Bashkon” është përshëndetur si një arritje e madhe për shqiptarët e Malit të Zi.
“Në këtë moment dua t’ju marr kohë të shpreh mendimin tim në votimet historike që po ndodh në Malësi më 3 mars. Si bijë e Malësisë, me trup që jam rrit në atë vend, me zemër, me dashni, me mendjen që gjithmonë e kam në vendlindje, shpresoj që dhe ju do bashkagjiteni me mua dhe shumicën e malësorëve të Malësisë dhe të votoni nr. 5”, thotë Emina ne videomesazhin e saj, teksa diçitura është pikërisht motoja e partive shqiptare, “Malësia na Bashkon”.