Saimir Kasemi, “Princi modern” i “Love Story” është në qendër të vëmendjes çdo të hënë. I gjendur mes disa vajzave, Saimiri duhet të zgjedhë deri në fund të spektaklit dashurinë e tij të jetës. Për vajzat e dimë se si janë bërë pjesë e spaktaklit, por po Saimiri si u zgjodh?
Duket se Saimri e ka pasur të shkruar në yje që të bëhej pjesë e një reality shoë të tillë, sepse vite më parë atij i është propozuar që të bëhet pjesë e spektaklit “The Bachelor”(Beqari) në Gjermani, mirëpo ai e ka refuzuar. Autorja e “Love Story”, Ilda Lumani ka zbuluar se “princi modern” nuk kishte pranuar që të bëhej pjesë e “The Bachelor” në shtetin në të cilin jeton, sepse asokohe ishte në një marrëdhënie.
“Gjysma e rrugës për Saimirin ishte e bërë. Ai kishte pasur një propozim për të njëjtin program, The Bachelor. I kishin propozuar, por ngaqë kishte një angazhim në atë moment, kishte refuzuar. Kur e kam propozuar me Verën dhe Alketën ka qenë shumë interesante, sepse kur e pyeti Vera si ndodhi që erdhe? ‘Unë rrëshkita tani’, tha dhe ndonjëherë marrim një vendim të madh për 1 sekondë”, ka treguar autorja e programit për “Jo vetëm modë”.
Ajo ka shtuar se Saimiri ishte personazhi perfekt për “Love Story”, sepse ai plotësonte të gjitha kriteret për të marrë pëlqimin e vajzave, ndaj u vendos që të ishte personazhi kryesor i spektaklit të dashurisë.
“Kur Vera dhe Alketa më thanë për projektin isha e bindur, sikurse dhe ato, që gjithë çelësi i këtij programi ishte personazhi kryesor. Duhet të plotësonte të gjitha kriteret që të merrte pëlqimin e njerëzve, pëlqimin e vajzave që nuk është e lehtë. Sapo ma propozuan këtë projekt fillova të mendoj disa nga djemtë e spikatur në qytet që mund të ishin të përshtatshëm në program. Dikush kishte hyrë në një marrëdhënie, dikush ishte martuar, se gjërat evoluojnë. [M’u kujtua] Një miku ynë i përbashkët, i imi dhe i Saimirit, thashë duhet ta takoj se ai duhet të më ndihmojë. Duke diskutuar mes disa djemsh të tjerë, Saimiri sapo ra emri i tij, ishte kështu surprizë. Ishte njeriu i duhur. I plotësonte të gjitha kriteret për të qenë ai”, ka treguar Lumani.
Deri më tani Saimri nuk ka shfaqur ndjenjë dashurie për ndonjë nga vajzat, ndërkohë që puthjen e parë ja rrëmbeu njërës prej motrave binjake, Silvanës. Sot do të mbahet puntata e radhës dhe pritet të shohim se cilën nga vajzat ka menduar princi të eliminojë këtë të hënë.