Të gjithë njerëzit kanë sekrete ose gjëra që duan t’i mbajnë për vete. Mund të jetë diçka e thjeshtë si një blerje e re ose diçka më serioze si divorci. Nëse dëshironi që dikush t’jua hapë zemrën, ka disa hapa që mund të ndiqni. Ato u zbuluan në lifehacker.com nga një studiues, i cili për arsye të kuptueshme donte të mbetej anonim. Pra, përpara se të bëni ndonjë gjë tjetër, provoni si më poshtë:
Filloni bisedën pa kërkuar që bashkëbiseduesi juaj të hapet me ju
“Pyeti diçka të përgjithshme, pa u shtyrë. Lëreni tjetrin të flasë vetë pa e ndërprerë dhe bëjini të ndihen rehat. Për shembull, nëse jeni në një takim dhe dëshironi të dini pse lidhja e mëparshme e partnerit përfundoi, nuk do ta pyesni menjëherë këtë. Do të bëni disa pyetje më të përgjithshme. Në fund të fundit, askush nuk i hapet dikujt tjetër nëse nuk ndihet rehat, apo jo? Lëreni tjetrin të relaksohet, pa e ndërprerë duke treguar histori të ngjashme tuajat dhe kështu do të arrini ta ‘zhbllokoni’” , tha ai.
Tregoni dhembshuri dhe përgjegjësi
Tregoni gjithmonë mirëkuptim dhe dhembshuri. Kur flisni ballë për ballë me një person, shikojeni në sy. Nëse jeni në telefon, bëni të qartë se po i kushtoni vëmendje dhe po dëgjoni personin tjetër. Të flasësh për çështje personale dhe të ndjeshme është e vështirë. Të flasësh me dikë që nuk dëgjon ose nuk i kushton vëmendje është edhe më e vështirë. Kuptimi dhe vëmendja ndaj personit tjetër sinjalizon se jeni aty dhe jeni të gatshëm të ndihmoni ose qetësoni bashkëbiseduesin tuaj. Nëse doni të dini diçka të fshehtë, ruani gjakftohtësinë dhe jini të pranishëm në diskutim si dëgjues shumë të mirë.
“I jepni personit tjetër hapësirë dhe kohë që të shprehet, të ndihet rehat dhe të arrijë t’jua hapë zemrën. Nëse nxitoni dhe bëni vazhdimisht pyetje, ju jepni përshtypjen se nuk jeni vërtet të interesuar për personin tjetër dhe problemin e tij dhe thjesht dëshironi të thashetheme. Tregoni respekt dhe mbi të gjitha konfidencialitet. Nëse ua zbuloni të tjerëve atë që keni mësuar, sigurisht që nuk do të jetë e lehtë për njerëzit që t’ju ‘hapen‘”.