Për shkak të ndjeshmërisë së lëkurës dhe rreziqeve të mundshme, shumë njerëz kanë filluar të shmangin zbardhuesin dhe kimikatet e tjera të ashpra që gjenden në zbardhuesit e rrobave. Por a është e mundur të hiqni njollat dhe të shkëlqeni rrobat e bardha pa përbërës kaustikë? Po, ekzistojnë disa zbardhues natyralë të rrobave që do i bëjnë ato të duken të freskëta dhe të ndritshme si ditën kur i keni blerë.
1. Larjen e rrobave me limon
Mbushni legenin tuaj me ujë të nxehtë dhe 1-2 limona të prerë (varësisht nga sa janë të ndotura rrobat tuaja). Hidhini rrobat dhe lëreni të zhytura në ujë për një deri në dy orë, pastaj futini në lavatrice për t’u larë në një cikël normal.
Nëse rrobat tuaja kanë nevojë për një shkëlqim më të madh, ziejeni ujin më parë, shtoni limonët dhe rrobat, pastaj lëreni të rijnë brenda gjatë gjithë natës.
2. Si të zbardhni rrobat me uthull
Jo vetëm që uthulla e bardhë e distiluar ndriçon rrobat e bardha, por gjithashtu zbut pëlhurën dhe heq aromat e mykut. Gjatë ciklit të fundit të shpëlarjes, thjesht hidhni 1/4 filxhan uthull në lavatriçe. Për rrobat që duan pak më shumë vëmendje, zhytini ato për disa orë në një legen plot me ujë të ngrohtë dhe një filxhan uthull të bardhë.
3. Si të zbardhni rrobat me peroksid hidrogjeni
Jo vetëm që ky element është i shkëlqyeshëm për dezinfektimin e prerjeve të lehta, por është gjithashtu i mahnitshëm për zbardhjen e rrobave. Kur të vini në punë lavariçen, hidhni 1 filxhan peroksid hidrogjeni (3%) direkt në detergjentin dhe lëreni që lavatriçja të punojë si zakonisht.
4. Si t’i bëni rrobat e bardha më të bardha me sodë buke
Soda mund të përdoret për të eliminuar në mënyrë të sigurt njollat e ujit të fortë, aromat e frigoriferit dhe madje edhe të ndriçojë rrobat e bardha.
Për të larë rrobat e bardha me sodë buke, ndizni lavatriçen, vendosni ½ filxhan sodë buke në ujë derisa të tretet, hidheni në lavatriçe dhe vendoseni në punë normalisht. Për një ngarkesë më të madhe të rrobave, ne rekomandojmë përdorimin e një filxhani të plotë të sodës së bukës.
5. Lani rrobat e bardha me detergjente natyralë të rrobave
Detergjentet e ashpra dhe zbardhuesit do të shkatërrojnë edhe materialet më të forta. Zgjatni jetën e gardërobës dhe linjave shtëpiake me një formulë më të butë, por jo më pak efektive të rrobave.