Pak ditë më parë këngëtari Sidrit Bejleri dha lajmin e bukur se sapo ishte bërë prind i një vajze.
“Sot u pasuruam me një dhuratë tjetër të paçmuar nga Krijuesi. Mirëseerdhe mes nesh zemra jonë e vogël! Falënderimet për Zotin e Gjithësisë”, shkruante Sidriti për lajmin e gëzuar të lindjes së vajzës.
Në emisionin “Shqiptarët për Shqiptarët”, ai tregoi dhe emocionet e atyre momenteve. “Merita më e madhe për sakrificën që bën për lindjen dhe rritjen e fëmijës i takon nënës. Desh Zoti shkoi gjithçka mbarë pavarësisht se ishte hera e katërt me ndërhyrje. Nuk është diçka e thjeshtë. Nëna dhe vajza gëzojnë shëndet të plotë. Desh madhi Zot na nderoi. Fëmijët janë në qiellin e shtatë. Kontakti i parë ishte një varje nofulle, sepse nuk e imagjinonin që do ishte aq i vogël bebi”, u shpreh artisti shkodran.