Gëzim Sinemati, opinionisti i njohur sportiv, mendon se kombëtarja shqiptare e futbollit duhet të tregojë në fushë atë për të cilën vlerësohet gjithmonë në letër. Ai thekson se lojtarët shprehen si kampionë në skuadrat e tyre, por në ekipin kombëtar shumë prej tyre nuk shprehin atë që duhet. Ndaj në “Procesi Sportiv” ai tha se i është dukur e ekzagjeruar edhe deklarata e Edi Rejas që kërkonte 7 pikë në 3 ndeshjet e para.
“Gjithë këto ditë kur është bërë lista, diskutohet se janë zbuluar të rinjtë e ka të tjerë që janë harruar. Po përmenden si talente të gjithë, kur i grumbullojmë janë talente, por kur dalin në fushë nuk janë talente, bëjnë grup si talent. Ajo që thotë Reja që tha 7 pikë në 3 ndeshje, të kujtohet që thashë që është gati të bëjë vaksinën këtu. Do ta ketë bërë vaksinën…
Ne kemi probleme, që kemi me të voglat, sipas tij i bie të ketë Anglia me ne, se gjithmonë na futin në kurthin që duhet të dalim në vend të dytë a të tretë, por dua që kjo kombëtare të jetë e ndershme në fushë e të japë atë që duhet.
Kemi mbrojtës në nivelin europian, por sa gola kemi pësuar? Të shohin ku i pësojmë, të shohim ku ëalojmë, ku ka mangësi. Është mbrojtja, mesfusha, apo sulmi? Është mbrojtja se ajo del me mangësi. Puna është ëfarë bëjmë te ekipi ynë kombëtar, nuk duhet t’i fusim lakun në fyt që zini filan vend. Ne duhet të luajmë futbooll, të gjejmë veten ku jemi. Të luajmë një futboll të qëndrueshëm ndeshje për ndeshje”, tha Sinemati.