Për herë të parë që kur nisi vendosja e barrikadave në veriun e Kosovës, Presidentja e Kosovës, Vjosa Osmani është shfaqur me veshje ushtarake. Ajo ka vizituar këtë të mërkurë Forcat e Sigurisë së Kosovës. “FSK-ja është e gatshme dhe e përgatitur”, ka thënë ndër të tjera ajo gjatë fjalimit.
Osmani tha se betimi që ushtarët kanë bërë për t’i shërbyer atdheut është më i shenjtë se çdo gjë tjetër. “Viti që po lëmë pas u përcoll me sfida jo vetëm për ne, por edhe për botën. Duhet të jemi të vetëdijshëm që sfidat do të rriten krahas me përpjekjet për ta sfiduar paqen dhe rendin botëror nga regjimet autoritare hegjemoniste. Prandaj, më shumë se kurrë na duhet devotshmëri ndaj atdheut, vigjilencë e përkushtim që Republikës t’i bëhemi gardianë”.
Presidentja e Kosovës u shpreh se është dosmosdoshmëri forcimi i kapaciteteve mbrojtëse.