Interesat e kredive për shtëpi janë më të lira se asnjë herë më parë. Bankës së Shqipërisë, bën të ditur se, në muajin mars, norma mesatare mujore e kredisë për blerje banesash ishte 3.45%, nga 3.77% në dhjetor 2018.
Kreditë për shtëpi janë të preferuara nga bankat, pasi ka rezultuar që ato kanë një nivel të ulët të kredive të këqija, ndërsa individët janë të prirur të paguajnë këstet për të mos humbur shtëpitë e lëna si kolateral.
Në euro, interesi mesatar i kredisë për shtëpi në mars 2019 ishte 3.04%.
Sipas BSH-së, interesat më të larta për individët janë overdraftet, të cilat nuk kanë kolateral dhe u jepen kryesisht individëve që e marrin pagën në bankën përkatëse. Interesat vjetore të tyre arrijnë në rreth 12% për këtë lloj kredie si në lekë ashtu dhe në euro.