Teksa dha një deklartë për mediat, kreu i Kadastrës, Artan Lame bëri një pasqyrim të gjendjes në të cilën ndodhet Arkivi i Kadastrës së Durrësit. Lame u shpreh se regjistrat në këtë arkiv janë në një gjendje që kalon kufijtë e çdo imagjinate duke theksuar se ka shumë mangësi.
Gjithashtu, Artan Lame njoftoi se është hartuar një raport me 600 faqe i cili pritet t’i dorëzohet dy institucioneve, ministrisë së Drejtësisë dhe kryeministrisë. Në lidhje me këtë, ai kërkoi që të mos ndërhyhet nga askush pasi asgjë nuk ka për të ndryshuar, ndërsa tha me ironi se “kush ka fuqi le të shkojë të Rama”.
Mes të tjerash, Lame shtoi më tej se qytetarët nuk duhet ta dinë ku ndodhet zyrat e Kadastrës, por ata duhet të aplikojnë dhe të presin qe shërbimin ta marrin nga portali qeveritar “e-albania”.
“Situata e trashëguar në zyrën e arkivit të regjistrimit të pasurive në Durrës e kalon çdo imagjinatë.
Arkivi ka 1063 regjistra dhe nga këto 152 regjistra të pasurive të paluajtshme janë në gjendje të mirë, të tjerët paraqesin prekje dhe ndryshime brenda tyre.
Në këto regjistra mungojnë 730 fletë. Mjafton të marrësh një nga këto regjistra dhe shikon që fleta nga fleta ndryshon. Kushdo që ka punuar qoftë edhe një ditë të vetme në administratë e di që regjistrat sekretohen, lidhen në mënyrë të pahapshme dhe nuk duhet të preken. Ti mund të shkruash dhe të fshish, por jo të heqësh faqe. Pra vetëm faqet që mungojnë tërësisht.
Rezultojnë 569 faqe të dubluara. Pra shtëpia ose prona e Hasanit eksitoni edhe këtu edhe në një vend tjetër si shtëpi dhe pronë e Hysenit. Kur vinte Hasani i jepnin letrat dhe kundër letrat si Hasani, kur vinte Hyseni ja jepnin si Hyseni. Të dy këta ishin në të njëjtën shtëpi, dhe kur përplaseshin çështja përfundonte në gjyq.
Rezultojnë 25 faqe të grisura, duken si pak, por nuk janë pak. Këto faqe edhe kur i kanë grisur i kanë grisur pa kujdes. I ka mbetur vetëm rrënja e faqes që është grisur.
Janë edhe 1548 faqe bosh, janë brenda regjistrit.
Mjaft më me këtë histori dhe këtë situatë. Mos e thoni se ku janë zyrat e Kadastrës, qytetari duhet të aplikojë dhe të presë shërbimin në e-albania.
Arkivi sot është i inventarizur. Raporti është 600 faqe dhe ka të dhëna çfarë mungon dhe çfarë nuk mungon dhe askush nuk mund të vërë dorë pa lënë gjurmë. Ka sistem kamerash dhe sistem të mbrojtjes. Ky material do ti përcillet edhe ministrisë së drejtësisë dhe zyrës së kryeministrisë. Vetë drejtoria është gjendur nën sikletet e bërjes së kësaj pune nga ata që nuk e donin të bëhej këtë gjë. Duke e lënë minimalisht në dy institucione po ua them të gjithëve që mos na bini më në qafë sepse ky material është i shpërndarë edhe në zyra të tjera po patët fuqi të shkoni te Rama ti thoni nda ndërro ca flete të ai raporti i Lames le të shkojnë, përndryshe është e kot të na ndërhyjnë sepse nuk ndërhyhet më”, deklaroi Lame.