Jetët e humbura në 24 orët e fundit nga tërmetet shkatërruese në kufirin turko-sirian po shkon në 5 mijë, dhe shifrat fatkeqësisht do të rriten. E gjitha bota po solidarizohet me këtë fatkeqësive kaq të madhe natyrore.
Toka vijon të dridhet e bashkë me të zemrat e mijëra të mbijetuarve që po përballen me një tmerr. Familje të tëra janë nën gërmadha, prindër që kërkojnë fëmijët, dhe fëmijët prindërit. Zëra që vijnë nga rrënojat me shpresen se sot është dita e tyre me fat.
Tronditje dramatike me intensitet të lartë vazhduan edhe mbrëmjen e djeshme. Mijëra burra pjesë e ekipeve të kërkim shpëtimit kanë mbi 24 orë pa pushim që kërkojnë mrekullinë e radhës nën rrenoja.
Operacioni i kërkim shpëtimit ka vazhduar gjatë gjithë natës. Pavarësisht kushteve të këqija atmosferike shpresa për të shpëtuar qytetarët nga rrënojat nuk është shuar. Në Turqi mbi 7 mijë persona janë arritur të nxirren të gjallë nga rrënojat.