Alba Hoxha dhe Albi Nako duket se e kanë ndërprerë marrëdhënien me njëri- tjetrin dhe këtë e tregon fakti se ata nuk ndiqen më në Instagram.
Koreografi dhe balerina e kthyer prezantuese në “Klan” nuk janë më në listën e njerëzve që ndjekin në rrjetet sociale, siç u vu re nga “Xing”.
Prej kohësh të shenjestruar nga media për llojin e marrëdhënies që kanë me njëri- tjetrin, ata e kanë mohuar gjithmonë të kenë një lidhje romantike.
Dyshimet filluan nga postimet e tyre në Instagram, ku dukej se ishin në të njëjtat vende edhe pse nuk shfaqeshin bashkë.
Asokohe, Albi e mohoi duke u shprehur se ishin thjesht çështje pune çfarë i kishin çuar në Paris.
Balerina e konsideruar nga vetë Nako se “po ecën në gjurmët e Klaudias” është nga viti i kaluar prezantuese e motit në “Klan”.
Thashethemet nuk mbaruan me mohimin nga ana e Albi Nakos, pasi disa muaj më vonë u përhap lajmi se ata ishin fejuar. Edhe këtë herë ata e mohuan të kishte ndodhur diçka e tillë.