Teksa bëri prezantimin e projektit “Samrt City Albania”, kryeministri Edi Rama bëri me dije se nuk do të ketë më makina policie të parkuara në oborrin e shtëpisë, apo të jenë në drejtim të paditur.
Më tej ai u shpreh se pati nga ata që tentuan ta shtynin apo sabotonin këtë projekt duke njollosur uniformat e policisë.
“E pamundur që makina e policisë të përdoret si makinë personale. E pamundur që të shkojë të parkohet tek shtëpia. E pamundur që të ndalojë para restorantit dhe punonjësit me uniformë të ulen të hanë drekë. Ata që bënë çmos për ta shtyrë dhe sabotojnë këtë projekt, e dinë shumë më tepër se unë se sa poshtërsi dhe hile bëhen duke njollosur uniformën e policisë së shtetit.
S’mund të këtë makina që ikin në drejtime të paditura. Syri që ju fola ka një rrjet mbulimi që në 20 bashkitë me problematika, popullsinë, futet kudo.
Tragjeditë që kemi pasur me shkollat janë të lidhura me shumë arsye, por patjetër që lidhen me faktin që mospasja e pamjeve të qarta e vështirëson punë e policisë. Me këtë sistem perimetër i oborrit është sikur të kishte në të katërt anët e oborrit punonjës policisë.
Një element tjetër është prona. Bëhet shumë më transparente ajo që ndodh me rrugët kombëtare. Policia rrugore ka mbyllur sytë duke lejuar të çahen rrugët, hapen gropa dhe çudira të tjera. Kjo nuk e lejon më dhe me sistemin e administrimit që do sjellin miqtë tanë të shtrenjtë nga Abu Dabi
Asnjë punonjës nuk i mbyll dot sytë, së gjëja nuk mbetet vetëm në sytë e tij“, tha Rama.