Një shqiptar, i dënuar më parë për kultivim kanabisi, është kapur për herë të dytë në një nga fermat e kanabisit në Angli.
Ruzhdi Raga, 29-vjeç, u gjet duke kultivuar 224 bimë kanabisi, e cila kapte vlerën e 76 mijë paundëve.
Raga është futur ilegalisht në Britani, ku fillimisht ka nisur të punojë si lavazhier, por më pas u përfshi në laboratorët e kultivimit të bimëve të kanabisit.
Herën e parë, i riu shqiptar u dënua nga gjykata angleze për të njëjtën akuzë, pasi ishte kapur në një fermë kanabisi në Hartlepool.
“Nuk kam prekur kurrë drogë në jetën time”, raportohet të ketë thënë Raga asokohe para gjykatës.