Liangbin Chen, një shtetas kinez, që u arrestua në Rinas për mashtrim prej 140 mln eurove është lënë në arrest shtëpie nga gjykata e Tiranës.
Por edhe pse u mendua fillimisht se prokuroria do ta ankimonte, papritur mësohet se Arta Marku ka vendosur që ta “ndihmojë” mashtruesin nga Kina duke mos e ankimuar vendimin në Gjykatën e Apelit.
Përmes një vendimi skandaloz, mësohet se prokurorja ka vendosur që ta mbyllë me kaq çështjen, duke I dhënë dorë të lirë Liangbin Chen që akuzohet për mashtrimin e qindra personave.
Chen u arrestua në korrik pas rezultonte në kërkim ndërkombëtar për grabitje me anë të mashtrimit.
Pas arrestimit në Rinas, u zbulua se ai vinte nga Dubai dhe mashtronte nëpërmjet kompjuterave.
Programuesi kinez njihet si kreu i një grupi që mashtronte me shitje celularesh dhe kompjuterash.
Chen ndodhet në masën e arrestit në shtëpi prej së premtes dhe është vendosur në një banesë në Lundër.