Skandal në Bashkinë e Pogradecit, kryebashkiaku i PD-së shemb dy shatërvanët te Pallati i Kulturës/ Pjesë e zonës së mbrojtur me vendim qeverie

Një veprim banditësh është shënuar sot nga Bashkia e Pogradecit. Dy shatërvanët që ndodhen në sheshin përballë Pallatit të Kulturës në Pogradec janë shkatërruar sot me fadroma duke zhdukur një pjesë të ansamblit Kulturor e historik, të mbrojtur me vendimin e qeverisë 2015. Bashkia e Pogradecit e drejtuar nga Kryetari Eduard Kapri mesa duket në rastin më të mirë nuk njeh ligjet dhe në rastin më të keq ka dalë nga kontrolli ligjor. Në fotot e publikuara nga “Reagoj Për Pogradecin” në emër edhe të pogradecarëve shpreh indinjatën e thellë nga ky veprim dhe i kërkon ndihmë mediave dhje institucioneve. Sipas Vendimit të Këshillit të Ministrave, ndërhyrjet në zonat e mbrojtura nuk lejohen, përveç rasteve të restaurimit. Neni 6 Ndërhyrjet në Zonën e Mbrojtur 1. Në Zonën e Mbrojtur ruhet rrjeti rrugor në kompozimin dhe në formulimin e tij urbanistikoarkitektonik. Në këtë zonë kryhen restaurime, përshtatje, rikonstruksione apo dhe ndërtime të reja për të rritur vlerat brenda saj dhe për përmirësimin e kushteve të jetesës, të cilat duhet të jenë në harmoni me karakterin arkitektonik e urbanistik të ansamblit. 2. Nuk lejohen ndryshimet në rrjetin rrugor ekzistues përveç rikonstruksionit të tij. Ndërhyrjet e rikonstruksionit në rrjetin rrugor dhe sheshe ruajnë detyrimisht materialet dhe teknikat tradicionale. / tirananews.al