Pas skandalit që tronditi opinionin publik, ku sipas SHÇBA mbrëmjen e djeshme shefi i Policisë Së Fushë Arrëzit Izmir Duraku është arrestuar, pasi dyshohet se ka përdhunuar një vajzë e cila ishte paraqitur në polici për të denoncuar përdhunimin që i ishte bërë nga disa persona të tjerë.
Ngjarja dyshohet se ka ndodhur në vitin 2015, por është kallëzuar së fundmi nga vajza, në prani dhe të një psikologu. Sipas njoftimit të SHÇBA, ka dyshime të forta se në prill 2015 vajza është ngacmuar seksualisht nga shefi i Policisë Izmir Duraku, atë kohë Specialist i Hetimit të Krimit, ku kishte shkuar për të denoncuar përdhunimin që i kishin bërë disa persona të tjerë, punonjës të shtëpisë së fëmijës ne Shkodër.
Ditën e sotme ka ardhur edhe përjashtimi nga detyra i Durakut, me urdhër të Drejtorit të Policisë Ardi Veliu, ndërsa prokuroria do të hetojë ngjarjen për akuzat e ngritura ndaj Durakut.