Skandali me pasaportat shqiptare drejt Greqisë ka bërë që kryeministri Edi Rama të bëjë një mbledhje urgjente në ministrinë e Jashtme, detyrë të cilën e mban ai, pavarësisht se i ka deleguar kompetencat Gent Cakajt. Mësohet se mbledhja zhvillohet me stafin përgjegjës për transportin e pasaportave.
Pak ditë më parë, gazeta “Panorama” zbuloi skandalin e transportit të pasaportave shqiptare drejt Greqisë me autobusë të linjës Shqipëri-Greqi. Pasaportat u bllokuan në Kakavijë, pasi mbërritën autoritetet shqiptare situata kaloi. Mirëpo makina ku ndodheshin pasaportat u grabit më pas në parkim në Athinë.
Lexo detajet: Pasaportat e emigrantëve transportohen me autobusë, policia greke i bllokon në Kakavijë
Më pas reagoi edhe ministria e Jashtme me një deklaratë për mediat ku ka shpjeguar të gjithë itinerarin e transportit të pasaportave, ndërkohë që theksuar se pako e pasaportave u vodhën nga makina e konsullit duke hequr përgjegjësinë nga vetja.
Lexo edhe: Ministria e Jashtme shmang përgjegjësinë nga vetja, ia le ambasadës dhe konsullit në Greqi