Gjykata e Tiranës ka dhënë masën për efektivët e Drejtorisë së Kufirit Tiranë, të cilët dhanë ndihmë mbi trafikun e paligjshëm të arabëve në Shqipëri.
Mësohet se gjykata ka vendosur detyrim paraqitje dhe heqjen e lëvizjes jashtë vendit për Suela Kaçabanin, e cila motra e Drejtoreshës së Kufirit në Policinë e Shtetit, Enkeleda Toksajt.
Ndërkohë janë pezulluar nga detyra Enekeleda Toska, drejtoreshë e kufirit dhe emigracionit, Tiranë. Altin Hasani, Shefi i sektorit, Besnik Zela, Shefi i sektorit, Albana Metko, Shefe e Seksionit Adelina Lita, Specialiste.
Ndërsa për pakistanezin Salim el Cheikh Joussef u vendos t’i ndalohej dalja jashtë vendit.
Kujtojmë që disa ditë më parë, u bë publik një investigim i emisionit Top Story, në lidhje me trafikun e paligjshëm të shtetasve arabë në Shqipëri. Ata kanë zbuluar se kush janë njerëzit në Shqipëri që organizojnë këtë lloj trafiku të paligjshëm dhe si janë të lidhur ata me zyrtarët e lartë shtetërorë. Teksa gazetarët e Top Story merrnin në pyetje denoncuesit arabë, në dritë kanë dalë emra zyrtarësh të lartë.